මතක..

පුංචි සමනල් රෑන ඇවිදින්
මල් සුවඳගෙන ඉගිළුනාවේ..
රැල්ල ඇවිදින් වෙරළෙ හැපි හැපි
මතක සටහන් ගෙන ගියාවේ..
සුළග ඇවිදින් ළඟම දැවටී
නුඹෙ සුවඳගෙන සැඟවුනාවේ..
අපේ දුප්පත් කඳුළු සෙනෙහස
අඳුරු අහසක ලියවුණාවේ..

                                 නිවර්ථනා

පැතුම්..

සුවඳ උතුරන සොදුරු පපුතුර
රැදෙන්නෙමි ලොව මිහිරැතී..
දිලෙන දෙනෙතින් ගලන සෙනෙහස
කල්පයක් වුව මට ඇතී..
නිදන නොනිදන සිහින අතරේ
කවිය නුඹමය අදරැතී..
දිනෙක සුවහස් පැතුම් අරගෙන
වෙමුද අපි පතිනිය පතී...

                                 නිවර්ථනා ..